– Vi gler oss til å bli foreldre, seier Aafedt Flatland, som mellom anna vann sprinten i Oberhof sist vinter.
Flatland ønskjer å returnere til toppidretten, og håpar å vere tilbake på startstreken til sesongen 2012-13. Ho ser dessutan framover mot neste OL.
– Eg føler eg har meir å gje på idrettsbana, så det er naturleg å sjå fram mot OL i Sochi 2014. Eg er motivert for å setje meg nye mål som skiskyttar. Sjølvsagt med atterhald om at svangerskap og morsrolla går normalt og bra, seier Aafedt Flatland.
Ho bestemt seg for å stå over alle renn kommande vinter. Men ho skal følgje samlingsopplegget fram til sesongstart.
- LES OGSÅ:
- LES OGSÅ:
– Eg blir med både til Ruhpolding og samlinga i forkant av Beitostølen. Dette fordi eg er ein del av laget, eg ønskjer å halde fram med treninga – og eg trur eg også kan bidra med råd og vink til dei unge løparane på elitelaget, seier Flatland.
Ann Kristin Aafedt Flatland debuterte i verdscupen i skiskyting i 2003. Ho har delteke i både VM og OL for Norge. Beste individuelle plassering i verdscupen er sigeren på sprinten i Oberhof i januar 2011.