I helga sette 25-åringen ny løyperekord i skiforbundet si testløype frå Sognsvann til Frognerseteren i Oslo.
Roger Aa Djupvik pressa løyperekorden til Remi Andersen og Simen Østensen på 20,10 ned med åtte sekund i testløpet. Sjølv om testen er gjort med joggesko på beina viser løpet at treningsarbeidet i sommar har vore bra..
Djupvik har fylgt omlag same treningsopplegget som i fjor, men ein uthaldenheitstest ved Norsk toppidrettsenter tidlegare i veka viser solid framgang frå testresultata i fjor.
Ilag med det private skilaget Team Manpower er Roger Aa Djupvik nett ferdig med samlinga ved toppidrettssenteret i Oslo, der mellom anna knallharde treningsøkter på rulleski opp mot Tryvann har stått på programmet.
Grunntreninga har gått etter programet for glopparen, og sjølv om testresultat frå løp ikkje er direkte overførbart til langrenn har han godt håp om at dei positive testane viser at langrennsformen også er i emning.
