Berre Sogn og Fjordane og Vest-Agder er fylka som ikkje lenger er med i kampen om å spele cupfinalen på Ullevaal 25. november.
- LES OGSÅ: Så var cupeventyret over for Florø
Likevel er nær eit heilt fotballag frå fylket framleis med i cupen. Trenar for 2. divisjonslaget Kvik Halden, sogndølen Ørjan Christiansen, stod kanskje for den største bragda då disiplane hans gav han skalpen til storebror Fredrikstad i gåve på 34-årsdagen.
– Det var utruleg moro. Det var David mot Goliat, veslebror som slo storebror og alt på ein gang, gliser han.
Eksporten må kjempe
Av landets 19 fylke, vil 17 vere representert i oppsettet for 3. runde av cupen som Fotballforbundet presenterer over helga. For 3. divisjonslaget Tornado Måløy og eliteserielaget Sogndal sin del varte cupeventyret ein kamp. Florø takka for seg i andre runde etter heimetapet for Brann.
Dermed er det fotballeksporten som må kjempe for fylket si ære på vegen mot Ullevaal. Dei tel ti aktørar, og representerer åtte ulike lag. Sjølv har ikkje Christiansen store håp om ein cupfinale i 2012.
(Artikkelen held fram under TV-saka)
– No har vi nådd målsetjinga, som var å slå eit attraktivt lag. For vår del kunne det ikkje vere eit meir attraktivt lag som var mogleg å slå ut. Fredrikstad er det store flaggskipet i Østfold og historisk sett har det vore nok med rivalisering, seier han.
Ti sogn- og fjordingar att
Aalesunds-spelar Peter Orry Larsen har siste tre åra sytt for ein snev av cuptriumf for Sogn og Fjordane med to cupgull på Ullevaal. Som sportsdirektør i Strømsgodset kunne stryningen Jostein Flo juble over cupgull i 2010.
- LES OGSÅ:
I tillegg har vi Børre Steenslid, Even Hovland (begge Molde), Erik Sandal (Hødd), Gøran Wigum (Kongsvinger), Rune Bolseth, Vegard Gjermundstad (begge Hønefoss) og Oddbjørn Skartun (FK Haugesund).
- LES OGSÅ: Er venta å bli ny elitetrenar
– Det som kjem det kjem, med utgangspunkt i at det er oppsett også i 3. runde, så reknar eg med alle fekk med seg kva som skjedde i Halden. Så vi hadde ikkje takka nei til Vålerenga på heimebane, seier Christiansen.