«Rektorsaka» opp til ny behandling

Sogn tingrett fann det bevist at mannen hadde omgang med 11 pornografiske bilete av born, samt to videofiler med tilsvarande omgang.

Mannen vart dømd til fengsel på vilkår i 21 dagar , men det vart tidleg klart at forsvaret ville levere ein fullstendig anke. No er det klart at saka kjem opp på nytt.

• LES OGSÅ: Trur at tiltala vert frikjend

– Eg er veldig glad på vegner av min klient at alle bevis som tidlegare har vore ført og dei mange nye bevis som vi vil føre, får si fulle og heile breidde i lagmannsretten, seier ein nøgd forsvarar, Louis Anda.

Full anke

Ein samrøystes Gulating lagmannsrett har med straffeprosesslova i hand sleppt igjennom både bevisvurderinga i høve skuldspørsmålet, sakshandsaminga og inndraginga.

• LES OGSÅ: Tiltalte svært kritisk mot politiet

– Eg trur det vil ha betydning både for min klient i høve til hans familiære og sosiale liv, men sist og ikkje minst må det få betydning for hans arbeidssituasjon. Saka har gjort at han i lang tid har vore ute av det arbeidet han har hatt, og eg ventar at arbeidsgjevaren snarleg vil syte for at han blir teken inn att i arbeidet, seier Anda.

Vil oppfatning

Medan rettssaka gjekk i tingretten, vart tiltalen mot mannen endra frå 350 bilete, til å gjelde ein stad mellom 20 og 40 bilete , i tillegg til såkalla thumbs (små bilete).

Tingretten avviste den tiltalte rektoren sin påstand om at datamaskina måtte ha vore hacka. Bileta dukka opp då datamaskina vart rydda . Anda er ikkje overraska over at anken sleppte igjennom hos lagmannsretten.

– Vi meiner at det var så pass mange feil, både ved bevisvurderinga i tingretten og ein del av oppfattinga av ein del faktiske forhold, seier han.

Grundig anke

– Eg har aldri opplevd tidlegare at det har vore skrive ein så grundig anke og rettsskriv både frå forsvaret i nært samarbeid med tiltalte, men også påtalemakta, legg han til.

Forsvararen ventar at saka kjem opp ut på våren.