NRK Meny
Normal

«Det var heilt, heilt sprøtt»

Truls Kleiven skulle berre køyre opp søpla, då han kasta eit blikk ut mot havet...

Nordlys over bykjernen i Florø

MAGISK: – Det var ei sterk oppleving, seier fotograf Truls Kleiven om synet av det flotte nordlyset over bykjernen i Florø.

Foto: Truls Kleiven

– Eg oppdaga eit kraftig nordlys. Og for å seie det slik – eg kunne ikkje gå og leggje meg då, seier Kleiven.

– Var rett og slett ei magisk oppleving

Amatørfotografen frå Florø hadde eigentleg tenkt å hoppe i loppekassa, då klokka nærma seg midnatt. Han skulle berre køyre opp søpla først. Men det enda med fotografering i to timar.

Resultatet var sjeldan gode bilete av nordlyset. Til ståande ovasjonar på Facebook.

– Det var heilt, heilt sprøtt. Eg har halde på med dette i nokre år, og har heile tida ønskt meg nordlyset rett over bykjernen i Florø. No klaffa det – og det var veldig spesielt, seier Kleiven.

– Rett og slett ei magisk oppleving, legg han til.

Kraftig nordlys over Florø

STILIG: Truls Kleiven sine bilete av nordlyset har fått fleire hundre likes og kommentarar på Facebook.

Foto: Truls Kleiven

– Bileta er tekne rett frå kamera

Kleiven meiner sjølv at fleire faktorar klaffa på éin og same gong: Fullmånen lyste opp skyene, kombinasjonen med lyset frå byen og sjølve nordlyset.

Bileta er tekne i raw-format, med ein lukkar på mellom 1,2 og 2 sekund.

– Eg slapp å gjere noko særleg med dei. Bileta du ser er eigentleg rett frå kamera.

Detaljane skal finpussast
Huset til filosofen Wittgenstein flyttar.
Vestlandsbønder må hente enorme mengder naudfôr frå Austlandet og Sverige. Dette fordi begge grasavlingane på Vestlandet var langt under normalen i sommar.