Oppgjeret er terminfesta til 5. april. På dei neste fire kampane står nyopprykka Mjøndalen (b), degraderte HamKam (h), Løv Ham (b) og Alta (h).
- Godt oppsett
Kaptein Rune Bolseth er nøgd med oppsettet.
- Det er greitt å starte på heimebane. Men nyoppprykka lag på bortebane så tidleg i sesongen er alltid skummelt, seier han. Bolseth er nøgd med å få HamKam på heimebane i første oppgjer.
- Det er okay å få dei på heimebane tidleg i sesongen, legg han til.
- Må ha ti-tolv poeng
Trenar Karl Oscar Emeberland har uttala at sesongen 2009 skal føre Sogndal til øvste nivå i norsk fotball. Etter ein sterk haustsesong kapra kvittrøyene frå saftbygda kvalifiseringsplassen i 1. divisjon, men tapte for Aalesunds, som dermed berga plassen i Eliteserien.
- Det er eigentleg det same kva lag vi møter, men skal vi klare målsettinga, så må vi ha ein god start. Vi bør ha ti-tolv poeng på dei fem første kampane, seier Bolseth.
Mange om beinet
I år vart det ingen 16. mai-kamp for Sogndal. Neste sesong går turen derimot til Stavanger dagen før nasjonaldagen. Oppgjeret plar gje mange pengar i klubbkassen for vertslaget. Sesongen blir avrunda på bortebane mot Hønefoss 1. november. Sogndal-kapteinen trur på ein spanande sesong.
- Det er naturleg at HamKam blir sterke. Haugesund har mykje pengar og har allereie styrka laget. I tillegg har Bryne og Moss potensiale til å bli betre enn i fjor, medan Notodden og Hønefoss også blir sterke, seier Bolseth.
Oppkøyringa
Sogndal reiser 9. januar til Beitostølen der dei skal møte cupfinalistane Stabæk og Vålerenga. 31. januar møter dei Nybergsund i Sognahallen.
5. februar står FK Haugesund for tur i Bergen, medan Molde blir motstandar seks dagar seinare. Notodden vitjar Sognahallen 20. februar, før spelarane reiser til varmare strøk på La Manga dei 14 første dagane av mars. Hønefoss og Løv Ham blir motstandarar 20. og 28. mars.