Vegen har vore stengd sidan førre laurdag då
ved Kleiva.- LES OGSÅ:
Vegvesenet har denne veka spylt og reinska ned mellom 200 og 250 kubikk med stein og jord frå fjellsida.
– Vi meiner det er akseptabelt å køyre forbi no, men vil ha opp att klatrarar for ny sjekk om ei veke, fortel byggjeleiar Terje Samuelsen ved Statens vegvesen.
Steinane hagla
Punktet på fylkesveg 633 har vore utsett for ras dei siste månadane. Førre laurdag fekk Asbjørg Honningsvåg og sonen hennar ei dramatisk oppleving då steinane hagla rundt bilen.
Den eine steinen var så stor at ho ikkje vågar å tenkje på følgjene om den hadde kome gjennom taket eller frontruta.
- LES OGSÅ:
Det blir ikkje med lett hjarte ho kjem til å køyre forbi rasstaden - og sleppe hennar åtte år gamle son forbi til skulen.
– Nei, det er det ikkje. Fjellreinsking er ikkje noko eingongsoppgåve. Det er fjell, forvitring og issprenging. Kleiva er framleis Kleiva. Vi sit med ei litt spent magekjensle for korleis hausten og vinteren blir, seier ho.
Spent på framtida
Kring 40 innbyggjarar vart isolerte då vegen vart stengd. Det har skapt både problem og utfordringar. No håpar dei at vegvesenet vil vurdere alternativ slik at dei kan kjenne seg trygge når dei reiser til og frå bygda.
- LES OGSÅ:
Innbyggjarane er også
. For vegen er ved ujamne mellomrom stengd som følgje av ras og snøskred.(Artikkelen held fram under biletet)
– Om nokre år er vi attende i same situasjon som no. I dag er det tørt og fint. Eg er spent på kva som skjer når det kjem mykje nedbør, seier ho.
– Bør ta diskusjonen
Samuelsen i vegvesenet vedgår at tida er inne å vurdere alternativ for ein tryggare veg til Honningsvåg.
Det har vore sett opp båtrute til og frå bygda medan vegen var stengd.
– Den diskusjonen er vi ikkje byrja på, men det er nok ein diskusjon både vi og politikarar bør ta, seier han.
Kvir seg
Asbjørg Honningsvåg seier både ho og sonen kvir seg på å køyre forbi rasstaden.
– Eg veit ikkje korleis det blir. Han har snakka mykje om det som skjedde, og bilen står framleis heime på tunet. Det er nok ei oppleving også han vil ha med seg vidare og tenkje på når han køyrer forbi, seier ho.