Lødemel vakna til nyheitene om at det har kome trusselmelding mot Stortinget.
– Eg tykkjer det er trist å høyre. Dette var ikkje kjekt, seier han.
Politiet har sidan i går kveld leita etter ein mann som truga med å sprengje Stortinget. Saka blei først meldt til Asker og Bærum politidistrikt etter at trugslane blei overhøyrde på ein buss. Mannen sette seg seinare i ein drosje i Sandvika, som kjørte ham til Lambertseter i Oslo.
- LES OGSÅ:
- LES OGSÅ:
(Artikkelen held fram under biletet)
Reknar med han skal jobbe som normalt
Trusselmeldinga førte til ein stor politiaksjon og væpna politi har omringa Stortinget i heile natt.
Bjørn Lødemel, som er frå Hornindal og stortingsrepresentant for Høgre, blei møtt av mange politibilar, tungt væpna politi og sperreband. Han trur likevel han skal jobbe som vanleg på Stortinget i dag.
– Eg reknar med politiet har kontroll på dette og har tenkt å gjere jobben min i dag som eg gjer kvar dag. Men det å bli møtt med politisperringar når eg skal på jobb, tykkjer eg er trasig.
– Kva tenkjer du om at nokon seier dei vil sprengje Stortinget i lufta?
– Det tykkjer eg er trist. Eg håper politiet har kontroll på situasjonen og at livet i Stortinget kan gå sin gang. Eg håper verkeleg det blir ein vanleg dag på jobb.
- LES OGSÅ:
- LES OGSÅ:
Ingen pågripne
Politiet aksjonerte ved 9-tida mot ein leilegheit på Lambertseter i Oslo, men opplyser at ingen er pågripne i aksjonen.