– Eg prøver å ikkje tenkja alt for mykje på det, då hadde eg blitt gal.
– Dette skulle bli mitt år
Sogndalspelar Ole Amund Sveen er i gang med dagens første treningsøkt. På føremiddagen er det styrke og rehabilitering, på ettermiddagen kondisjon. Slik har dagane vore sidan det brutale
, der begge leggbeina i venstrebeinet knakk tvert av.I heimekampen mot Stabæk 5. april fekk han berre 21 minutt på bana. Han kasta seg fram etter ein ball, og kolliderte med keeperen til Stabæk. Ballen gjekk i mål, men Sveen vrei seg i smerte i staden for å jubla hemningslaust.
– Det var frykteleg tungt at det skjedde. Eg hadde ein veldig god sesong i fjor, med ei vanvitig utvikling. Og i oppkøyringa før årets sesong tok eg nye steg, og følte at dette verkeleg skulle bli året mitt, seier han.
- Les også:
Toget gjekk utan Sveen om bord
Han vart hasteoperert i Førde, og etter operasjonen gjekk alt på skjener.
– Eg hadde heilt vanvitig framgang dei to første månadane, og følte at dette kom til å gå kjappare enn eg trudde, og at eg kanskje rakk litt fotball på slutten av sesongen.
– Men så har det stått stille med beinet dei siste tre månadane. Det har vore kjedeleg: eg hadde gjort ein hard jobb før sesongen, men stod att på perrongen då toget gjekk.
Problemet har vore at det vesle leggbeinet ikkje har grodd slik det skulle.
Maks uflaks
– Ole Amund har fått oppfølging av landets beste spesialistar på kompliserte brot. Det var ingenting feil med operasjonen, opptreninga han har gjort eller kalsiumnivået i kroppen hans. Av og til skjer slike ting, utan at me kan seia kvifor, seier Trond Vegar Ripe, medisinsk ansvarleg i Sogndal Fotball.
Førre veke vart han operert på nytt. No har han, i tillegg til ei metallstong langs det store leggbeinet, fått inn ei plate og seks skruar som skal sikra at det vesle leggbeinet gror som normalt. Målet er å rekka sesongoppkøyringa i januar med resten av laget. Medan han ventar på det, blir det nye økter i treningssenteret, på sykkelen og i bassenget. Men å springa, eller gå for den saks skuld, er ikkje problemfritt endå.
– Det er heilt merkeleg. Eg kan løfta 100 kilo på berre venstrebeinet i beinpress, men å gå utan å halta klarer eg ikkje, seier han.