, som igjen har resultert i både stengde vegar og kolonnekøyringar.
Trafikkoperatør Kristian Fauskan ved Vegtrafikksentralen i Bergen åtvarar folk mot å køyre over fjellet.
– Det er byrja å dra seg til i fjella, så folk må tenkje seg om før dei legg ut på lengre ekspedisjonar, seier han.
– Bruk kjettingar
Fauskan har fått opplyst frå entreprenøren på E16 over Filefjell at det er vanskelege køyreforhold med sterkt redusert sikt.
- Sjå: Slik ser det ut på vegane no (Webkamera frå Statens vegvesen)
– Det er også gjengangaren for dei andre fjellovergangane. No er det vanskeleg å køyre over fjellet. Og store køyretøy må bruke kjettingar, seier han.
Men også flyplassane på Vestlandet har merka vinden.
– Det har vore dårleg vêr i større delar av fylket og for flyplassane på Vestlandet i dag, slik at avgangar har blitt kansellerte, stadfestar lufthamnsjef Siv Merete Stadheim i Florø.
Dårleg vêr i havet
Lufthamna sender dagleg helikopter med offshorearbeidarar til og frå Nordsjøen. Det dårlege vêret på Vestlandet er ei av årsakene til at dei i dag har kansellert fem av seks avgangar.
– Vi fekk den første avgangen av garde, men har måtte kansellere fem flightar. I tillegg til at vi har hatt utfordringar med å få offshorepassasjerar til Florø, har det vore periodar med lyn, tore og mykje vind i havet. Dette har gjort at nokre helikopter er kansellert av den grunn, seier Stadheim.
Det blir ikkje sendt fleire helikopter ut i Nordsjøen i dag.
– Vi må sjå morgondagen an om det lettar litt då, seier ho.