– Desse oppringingane har pågått i fleire månader. Dei ringer frå eit utanlandsk nummer og hevdar dei er frå Microsoft, seier Espen Gulliksen, som er operasjonsleiar ved politisentralen i Florø.
Han anslår at dei har fått fleire hundre telefonar frå folk som er blitt ringt opp. Dei som ringer ber om å få tilgang til PC
– Vi kjenner til enkelte som har latt seg lure, og då er det gjort forsøk frå utlandet på uttak i nettbanken, seier Gulliksen.
– Kva folk gjere dersom dei skulle få ein slik telefon?
– For det første ringer neppe Microsoft utan at du på førehand har bede om hjelp. Får du ei slik oppringing er mitt råd å berre legge på, seier Gulliksen.
Politiet har no fått så mange telefonar om dette, at dei ikkje treng fleire dersom det då ikkje gjeld personar som har latt seg lure.