Medan norske oppdrettarar har trua på eit godt år, meiner Oddekalv at bransjen kjem til å gå på ein smell.
- Stort miljøproblem
2010 var det beste året for oppdrettsnæringa på lenge. Det samtidig som det i året som har gått stadig har kome negative avsløringar om norsk laks.
- LES OG:
- Oppdrettsnæringa representerer Noregs største miljøproblem. Etter kvart vil forbrukarane ta det inn over seg, seier Oddekalv.
For i løpet av 2010 har Oddekalv stått i bresjen for ein informasjonskampanje mot norsk laks. Dei har gått ut med fleire påstandar som kan sverte det gode ryktet.
- Kampanjen handlar om miljøkonsekvensane av norsk oppdrettsnæring. Det handlar om giftige stoff i fisken, skit rundt anlegga og måten dei påverkar kysten vår, seier Oddekalv.
- LES OG:
Oddekalv meiner det vil ta tid før marknaden tar innover seg sanninga om norsk laks.
- Men så lenge næringa driv med marknadsmessige tiltak i staden for å gripe fatt i dei faktiske problema, så nærmar dei seg stadig vekk stupet, seier Oddekalv.
- Har ikkje merka noko
Men i Eksportutvalet for fisk har Johan Kvalheim ikkje merka negative konsekvensar det siste året.
- Vi har full tillit frå næringa, både hos importørar og butikkjedane, seier Kvalheim.
I fjor sommar fortalde ein fransk dokumenter at det var giftstoff i den norske laksen.
- LES OG:
Kvalheim seier dei ikkje opplevde ein storm av spørsmål i etterkant.
- Det vart med at to franske forbrukarar tok kontakt, seier Kvalheim.
- LES OG:
- LES OG:
- Seier det som passar dei
Oddekalv på si side skuldar Kvalheim for løgn.
- Eksportutvalet for fisk er den største banden med skurkar eg veit om. Dei fortel den sanninga dei har blitt samde om, hevdar Oddekalv.
Han seier dei vil halde fram med å informere forbrukarane om det dei meiner er sanninga om norsk fisk. Han trur næringa snart vil merke at marknaden snur.
- Eg vil ikkje rå nokon til å ete norsk laks. Eg et den ikkje, fordi den er full av alt mogleg drit. Næringa kjem nok til å få seg eit par overraskingar i året som kjem, seier Oddekalv.
Kvalheim på si side har god tru på det nye året.
- Det er gode framtidsutsikter for salet av laks også i år.