NRK Meny
Normal

– Finn fram regnkleda – onsdag kjem det det til å bøtte ned

Meteorologisk institutt vurderer å sende ut obs-varsel for nedbørsmengdene som er venta onsdag. Statsmeteorolog Aslaug Skålevik Valved seier regnet vil bøtte ned.

Mykje regn

VENTAR STORE MENGDER REGN: Onsdag kan det kome opp mot 70 mm regn.

Foto: Oddleif Løset / NRK

– Dagen i dag vert nokså grå og våt, og det vert også nokså kjølig, seier Skålevik Valved.

Temperaturane kryp ned mot seks – sju grader, og det blir regn og yr.

– Det betyr at det ikkje er så store mengder regn som kjem. I tillegg blir det ein del vind, særleg på kysten, seier Skålevik Valved.

Det blir sørleg liten og stiv kuling, og ved Stad så blir det sterk kuling.

Vurderer obs-varsel

Tysdag kveld minskar vinden, og onsdag er det berre å finne fram regnkleda. Då er det venta store mengder regn.

– Det kan kanskje kome opp mot 50–70 mm. Det blir vått og grått i morgon også, men i morgon kjem det til å hølje ned, seier Skålevik Valved.

Det er venta så store mengder nedbør at meteorologane ber folk ta forholdsreglar.

– Vi vurderer no å sende ut obs-varsel. Det er venta så store mengder nedbør at der er lurt å vere litt førebudd. Folk kan gjerne reinske sluk og slike ting, seier Skålevik Valved.