– Profilering på nett får folk til å ta store sjansar

Etter at tre personar har omkomme i basehoppulukker i Aurland i sommar har det blitt sett fokus på tryggleiken nå det gjeld denne sporten. Medan mange av innbyggarane i Aurland ynskjer forbod eller restriksjonar, er det andre som meiner det vil virke mot si hensikt.

• LES OGSÅ: Basehopparen funnen omkomen
• LES OGSÅ: Bror til kjend fotballproff omkom i basehoppulukka i Gudvangen
• LES OGSÅ: Etter tre dødsulukker vil innbyggjarane ha slutt på basehoppinga

Det er Halvorsen og kollegane som må rykke ut når nokon har tøydd strikken for langt.

– Det finst snart ikkje grenser for kva enkelte er villige til å gjere for å bli lagt merke til på nettet.

Han er kritisk til den utstrakte bruken av go-pro videokamera og mogleheita til å profilere alle moglege skumle stunt på internett. Han meiner det kan ha vore ein pådrivar for enkelte til å ta sjansar.

Tar for store sjansar

Den erfarne basehopparen Frode Johannesen vedgår at enkelte i basehoppmiljøet nok tar for store sjansar for å få den "kule" videoen.

– Nokre gjer kanskje det. Men det er dei som ikkje har respekt for det dei held på med. Når du mister repekten for døden og bashoppinga då er du ute å køyre.

• LES OGSÅ: Har mista 49 vener til ekstremsporten

Han meiner likevel det berre gjeld ein liten det av dei som driv med basehopp. Han trur likvel at youtube- faktoren, alle videoane på nett, er noko av forklaringa på at sporten er blitt så populær.

– Ferskingane ser det som vi legg ut kanskje, og så byrjar dei å hoppe fallskjerm berre fordi dei vil byrje med basehopping seinare. Det meiner eg blir feil, seier Johannesen.

• LES OGSÅ: Basesjef har ikkje tru på forbod

Dan Halvorsen meiner dei mange videoane på nett kan vere noko som påverkar sporten og får enkelte til å presse grensene til det ubehagelege, og nokre gonger til det tragiske.

– Det er mange som har eit ansvar her; marknadskrefter, reklame, sponsing og sporten sjølv. Sammen bør dei no ta diskusjonen om kva dei skal gjere.