– Ei påminning om kor sårbare vi er

• 13 menneske hamna på sjukehus med røykskadar etter brannen i tunnelen på riksveg 5 i natt

Statsråden er på rundreise til alle flyplassane i landet. I dag er han på Sandane lufthamn Anda, og difor overnatta han på Skei. Han seier brannen er ei påminning om kor sårbare vi er når det oppstår brann i tunnel.

– Sjølv om dette var ein situasjon der fagfolk var til stades, det skjedde jo i ein spylebil, så ser vi kor fort ting kan utvikle seg. Folk har jo hamna på sjukehus med lettare skade. Det viser alvoret i saka, meiner Solvik-Olsen.

På 2000-talet har det vore fleire alvorlege brannar i vegtunnelar i Norge:

• Den første var i Gudvangatunnelen 5. august 2013. Då vart i alt 73 menneske sende til sjukehus, seks av dei med alvorlege røykskadar. Framleis 65 på sjukehus etter brann

• Den 15. juli 2015 small det i den undersjøiske Skatestraumtunnelen på Bremangersambandet. Ein bensinbil tok fyr, og tunnelen var stengd i eit halvt år. Flaks gjorde at ingen menneske kom til skade. Eit halvt år før Skatestraumtunnelen blir opna
• Den 11. august same året tok det fyr i ein buss inne i Gudvangatunnelen. – Galskap at bussen køyrde inn i tunnelen
• Den 17. juni 2016 kolliderte to bilar inne i Magnhildskartunnelen mellom Grov og Svelgen. Bilane tok fyr, fem vart sende til sjukehus.
• Andre påskedag 2017 tok ein spylebil fyr inne i Fjærlandstunnelen på riksveg 5. 13 menneske vart sende til sjukehus med røykskadar. 13 til sjukehus: Slik ser bilen ut etter brannen
• I tillegg kjem brannen i Oslofjordtunnelen 23. juni 2011. Då måtte 12 på sjukehus. Tolv til sykehus etter tunnelbrann

– Fordi det er viktig

Samferdselsministeren seier at det blir gjort mykje for å gjere dei lange vegtunnelane sikrare.

– Vi jobbar iherdig med å syte for at tunnelane blir oppgraderte. Vi skal bruke rundt 2,5 milliardar kroner berre i 2017 på å sikre tunnelar. Dette er eit arbeid som vi har firedobla etter regjeringsskiftet fordi det er viktig. Det er vel ingen stad ein kjenner seg meir sårbar enn i ein tunnel med sterk røykutvikling og få stader å flykte, seier Solvik-Olsen.