– Foreldre og skulen har ansvar for å hindre overgrep

Sexolog og psykolog Per Steinar Melås på Leikanger i Sogndal meiner foreldre og skulen må ta meir ansvar for å førebygge seksuelle overgrep.

– Sex er eit tabutema på mange måtar. Vi har hatt ein periode med voldsomt mykje prat om seksualiteten, men eg er ikkje så sikker på at dette gjer oss meir trygge på vår eigen seksualitet, meiner Melås.

Han reagerer og sterkt på at sex med mange partnarar gjev knute i russelua, og dermed status.

– Vi ser at unge gutar kjøper viagra for at ein skal vere slik som ideala angjeveleg er. Dette er ikkje sant, det er ikkje slik det er, seier han.

– Har du eit godt råd til russen?

– Drikk mindre alkohol og bruk kondom, svarar han.

• LES OGSÅ: – Jentene må ta ansvar og vere tydlege på at dei ikkje vil ha sex
• LES OGSÅ: – Vi kan ikkje legge skulda på jentene, vi må gjere det motsette
• LES OGSÅ: Fryktar fleire får klamydia