– Eg er utruleg imponert over sikkerheitsnivået og størrelsen på gruva. Utvidingspotensialet for framtida er uavgrensa og folka eg har møtt her er svært profesjonelle. Også er det grøn energi. Dette er rett og slett ein unik stad i verda, seier Laurence Guihard-Joly som har tittelen direktør for Resiliency Services i det globale teknologiselskapet IBM som har hovudkontor i New York.
Ho er ein av fleire IT-toppar som var til stades under opninga av Lefdal Mine Datacenter i Lefdal, i dag. Kontrakten som nyleg er gjort mellom Lefdal Mine Datacenter og sveitsiske Fortuitus AG er den største enkeltståande datasenterkontrakta som er underteikna i Noreg nokon gong.
Stort potensial
Laurence Guihard-Joly er ikkje åleine om å synest at Lefdalgruva er ein perfekt stad for datalagring. Neil Collins som er finansdirektør i Fortuitus AG, meiner gruva er både innovativ og banebrytande i måten den er bygd på.
– Dette er ein bra stad på fleire måtar. Eg er imponert av størrelsen og moglegheitene til å bygge ut samtidig som ein driv på ein miljøvennleg måte, seier Collins.
- LES OGSÅ:
Plass til alle
Collins får støtte frå Yuval Bachar, som representerer verda sitt største profesjonelle nettverk, LinkedIn, og som tidlegare har vore med å utvikle datasenterløysingane til Facebook. Bachar meiner denne typen datalagring kan bli ei viktig næring for Noreg i tida som kjem.
– Når Facebook og Google har etablert seg i Finland og Sverige har dei bygd alt frå grunnen av. Her i denne gruva er det plass til alle. Og staden er klar til bruk. Eg trur mange vil etablere seg her på sikt, seier Bachar.
- LES OGSÅ:
Ny og framtidsretta industri
Ein av gründerane bak det heile, Sindre H. Kvalheim i LocalHost er glad for alle lovord og er heller ikkje beskjeden når han snakkar om prosjektet.
– Dette er den største datasenterkontrakten i norsk historie, sa Kvalheim under dagens pressekonferanse i Lefdal.
Optimistisk var også olje- og energiminister, Terje Søviknes, som opna datasenteret i gruva onsdag ettermiddag.
– Dette er ein stor dag for Noreg. Landet vårt er bygd på naturressursar, og no får vi bruke vasskraft på ein berekraftig måte mot ein ny og framtidsretta industri, sa han.
- LES OGSÅ: