- LES OGSÅ:
Det er Førde bystyre som skal bestemme kor mange bomstasjonar ein skal gå for, og endeleg plassering av desse.
– Naudsynt
– Bompengar er nok vegen å gå, men eg blir ikkje glad den dagen eg får sjå bomstasjonar i Førde.
Han er Førde kommune sin representant i arbeidet med den såkalla Førdepakken.
(Artikkelen held fram udner biletet)
DYRT Å PASSERA? Her er ein av dei fem stadene i Førde det kan kosta å passera i framtida.
Foto: Wilhelm Støylen / NRK– Førde treng nye vegar og sykkel- og gangvegar for å utvikla seg på ein naturleg måte, seier Hatlebrekke.
Han meiner offentlege vegar bør finansierast gjennom offentlege budsjett. Men han legg til at bomstasjonane er naudsynte i mange høve.
Her kan det bli bomstasjonar – sjå kart:
– Gløym bompengar
– GLØYM DET: Det er oppfordringa til Stig Tverrberg, ein av mange som har meiningar om bompengeprosjektet i Førde.
Foto: Wilhelm Støylen / NRK– Vegane er gode, men trafikken gjennom sentrum går for sakte. Bompengar vil ikkje hjelpa mot det, seier Stig Tverrberg.
Han pendlar dagleg frå Dale til Førde og tilbake.
– Eg trur ikkje det er bra for handelen og tilkomsten i Førde. Det vil nok gå utover næringa. Ein kan til dømes bruka pengane betre, som til dømes å ikkje bygga rådhus, seier han.
Fryktar byggestopp
Bomstasjonane vil kunne ta inn minst ein halv milliard kroner på 15 år.
Berre i Førde ligg det prosjekt for den summen på vent som ikkje har latt seg gjennomføra.
– Om me ikkje finn andre, lure løysingar og hjelper til på dei offentlege midlane, so skjer det ingenting. Nye vegar er veldig viktig i Førde, då det er mykje byggeaktivitet her. Utan nye vegar får me ikkje godkjend nye reguleringsplanar, og då står me framfor ein byggestopp i nær framtid, seier Hatlebrekke.