NRK Sogn og Fjordane – Lokale nyheter, TV og radio

NRK Meny
  • Fleire utan straum i Gaular kommune

    Ved Økslandsvatnet i Gaular kommune har det gått eit steinras som har tatt straumen frå fleire abonnentar i området. Ifølge vaktsentralen til Sunnfjord Energi vil dei sjå om det er materielle skader før dei prøver å setje straumen på att, spesielt sidan det er farar for gnistar. Sunnfjord Energi håpar å kunne ha straumen tilbake innan kort tid. Rasstaden er ikkje i nærleiken av hus eller veg.

    Steinras ved Økslandsvatnet
    Foto: NRK-tipsar
  • Publikumsrekord i Askvoll


    Skjærgårdstreffet i Askvoll feira 20-årsjubileet med publikumsrekord, skriv Firda. Laurdag var det 2500 vaksne besøkande på festivalområdet, noko som er 500 fleire enn i fjor. Til avisa seier festivalsjef Andrea Strømmen at ho er utruleg godt nøgd med årets utgåve av festivalen.

  • Ingen semi for Fredriksen

    Det vart ingen semifinale for Sogndal-spelar Ulrik Fredriksen og det norske G19-landslaget i EM. Norge leia 1-0 over Italia, men sigeren glapp sju minuttar før slutt slik at det blir italienarane som følgjer Portugal til semifinalen. Torsdag spelar Norge derimot kvalifiseringskamp om retten til ein VM-plass.

    Ulrik Fredriksen
    Foto: Rune Sjøberg / Sogndal Fotball
  • Uvanleg hektisk for Airlift

    Dei mange skogbrannane i Sør-Norge har gjeve Airlift ein unormalt hektisk sommar. På det meste har helikopterverksemda i Gaular hatt to maskiner i sving for å sløkke skogbrannar. Mellom anna ved Bykle på Sørlandet. – Juli er vanlegvis ein roleg månad, men no har vi sett ei høgsesongbelastning som vi vanlegvis har i august og september, fortel kommersiell direktør, Børre Eimhjellen.

    Airlift sløkker skogbrann i Bykle
    Foto: Odd Sivertsen
Vegopning på Bergum i Førde kommune