Siste nytt
-
Sjå Vestlandsrevyen 22.55
Kossdalssvingane på Osterøy har blitt ein attraksjon. Med auka trafikk, kjem også behovet for utbetring av den over 130 år gamle vegen. Progamleiar er Jan Børge Leirvik.
-
Sjå Vestlandsrevyen 19.45
Ein arkeolog jobbar no med å finna flest mogleg helleristningar- i håp om dei eldgamle fjellteikningane kan stoppa det planlagde steinbrotet på fjellet Aksla. Progamleiar er Jan Børge Leirvik.
-
Mistenkt for å ha køyrt rusa utan gyldig førarkort
Ein patrulje har stansa eit køyretøy på Årstad i Bergen grunna mistanke om at førar køyrde utan gyldig førarkort. Mistanken stemte, og førar, som er ein mann i 60-åra, er mistenkt for å ha køyrd medan han var ruspåverka. Blodprøve blir tatt hos lege.
-
Trafikkulukke på Bømlo
Ein moped og ein bil har vore involvert i ei trafikkulukke på Mostravegen ved Røyksund på Bømlo, melder 110-sentralen. Naudetatane er på veg til staden. Ifølge politiet har det ikkje vore stor fart, og mopedisten skal vere lettare skada.
-
Regjeringa vil stenge døra for kryptovaluta-utvinning i Noreg
Regjeringa varslar ei ny lov for å få slutt på kryptovaluta-utvinning i Noreg.
– Formålet er å regulere industrien på ein slik måte at vi kan lukke døra for dei prosjekta vi ikkje ønsker, seier digitaliseringsminister Karianne Tung til VG.
Noreg blir det første landet i Europa med eit slikt lovverk.
I 2022 sa Senterpartiet og Arbeidarpartiet nei til eit forslag på Stortinget om å forby den mest straumkrevjande utvinninga av kryptovaluta.
Grunngivinga var at regjeringa ville «unngå eit særnorsk kryptoforbu», og at det var «prinsipielt problematisk å diskriminere datasenter ut frå ei politisk definert samfunnsnytte».
