Tre personar omkom, medan ein 49 år gamal mann vart moderat skadd i den kraftige frontkollisjonen i Våtedalen 2. juledag. Ein ni år gamal gut kom frå ulukka med lettare skader.
Ulukka er den som har kravd flest menneskeliv på vegane i fylket, sidan tre personar omkom i ein frontkollisjon på riksveg 15 ved Vindfylletunnelen i Eid for ni år sidan.
– Spesielt i julehelga så går våre tankar til alle dei som er involverte i den type ulukke, seier avdelingsdirektør Nils Magne Slinde hos Statens vegvesen.
Dystert trafikkår
Ei kvar ulukke er i seg sjølv ein tragedie. Og 2013 har vore eit nytt tragisk år på vegnettet i Sogn og Fjordane. Tal omkomne er det høgaste sidan 2004, med 12 trafikkdrepne så langt i år.
Ei oversikt Statens vegvesen har utarbeidd for NRK, viser at det sidan 1977 er registrert 25 trafikkulukker med to eller fleire drepne.
I same periode er også bilane blitt både fleire og større, samt naudetatane betre rusta til å berge liv. Vegnettet er også blitt betre i løpet av dei 36 åra.
- LES OGSÅ: Krev midtdelarar på ferjefri E39-trasé
Likevel er 332 drepne, 1.182 personar hardt skadde og 6.889 lettare skadde på vegane i fylket siste 36 år.
(Artikkelen held fram under tabellen)
Ulukka som kravde flest menneskeliv skjedde på Ljøsne i Lærdal i 1978, då sponplater losna frå ein lastebil og tok livet av sju amerikanske turistar i ein møtande buss.
Ulukka i Våtedalen er den tredje store ulukka som har skjedd på E39 i Jølster i tilknyting til julehøgtida. Både i 1992 og i 1977 omkom fire personar då bilen dei sat i hamna i Jølstravatnet.
Fire ulukker med fire omkomne
Også i Gulen og Flora har ulukker kravd fire menneskeliv kvar. I tillegg kjem også rasulukka i februar 1982, der
.Vegstyresmaktene har visjon om null drepne og varig skadde i trafikken, men dette er eit vanskeleg mål å nå. Kvar dødsulukke blir granska med tanke på eventuelle forbetringstiltak.
– Vi veit at det er store variasjonar, og det må vi ta høgde for i det vidare arbeidet. Men vi ser at det også på nasjonalt nivå er ein auke og at det blir vurdert ekstra tiltak. Det vil vi nok gjere lokalt også, Slinde om ulukkene i 2013.
– Kvar og ein er ein for mykje
– Det som gjer det vanskeleg er at ulukkene skjer tilfeldig geografisk, det er større spreiing i type ulukke og her i fylket ser ein ikkje så klart at det er typiske ungdomsulukker. Det er vanskelegare å finne dei rette årsakene og dei rette tiltaka, held Slinde fram.
Totalt er 8.397 skadde eller drepne på vegane i fylket sidan 1977. Åra før 2013 gjekk også statistikken for trafikkdrepne gått ned. Likevel:
– Kvar av dei er ein for mykje, seier Slinde og oppmodar kvar og ein om å ha respekt for kreftene som er.