NRK Meny
Normal

22-åring omkom av skadane

22 år gamle Tor-Erik Grimeland frå Førde omkom laurdag av skadane han fekk i trafikkulukka onsdag kveld.

Utforkøyring i Førde

OMKOM: Bilen skar igjennom autovernet i Askvoll-krysset og hamna på taket i elva.

Foto: Alf Vidar Snæland / NRK

Det stadfestar politiet. Namnet er frigjeve i samråd med familien.

22-åringen var åleine i bilen då den på veg nordover skar over E39 og hamna på taket i Halbrendselva i Førde. Årsaka til ulukka er førebels ukjend. Ulukka vart meldt av tilfeldig forbipasserande.

Ulukkesgruppa frå Statens vegvesen var natt til torsdag på ulukkesstaden og gjorde sine undersøkingar.

Politiet ynskjer å høyre frå eventuelle vitne til ulukka, men før helga hadde ingen vitne meldt seg. Bilen, som var høvesvis ny, blir også undersøkt teknisk.

– Det er framleis for tidleg å seie kva som har skjedd. Vi må først få kommisjonen sin rapport på kva dei har funne av spor, sa konstituert lensmann i Førde og Naustdal, Magne Faleide, til NRK før helga.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.