Det stadfestar politiet. Namnet er frigjeve i samråd med familien.
22-åringen var åleine i bilen då den på veg nordover skar over E39 og hamna på taket i Halbrendselva i Førde. Årsaka til ulukka er førebels ukjend. Ulukka vart meldt av tilfeldig forbipasserande.
Ulukkesgruppa frå Statens vegvesen var natt til torsdag på ulukkesstaden og gjorde sine undersøkingar.
Politiet ynskjer å høyre frå eventuelle vitne til ulukka, men før helga hadde ingen vitne meldt seg. Bilen, som var høvesvis ny, blir også undersøkt teknisk.
– Det er framleis for tidleg å seie kva som har skjedd. Vi må først få kommisjonen sin rapport på kva dei har funne av spor, sa konstituert lensmann i Førde og Naustdal, Magne Faleide, til NRK før helga.