– Det var veldig godt å kome seg ut, seier ei av dei, Eli Kristin Stave.
Ho og sonen var mellom dei som har vore isolerte sidan i går kveld, utan veg og utan straum. Dei bad Aurland kommune om å bli henta ut, og det skjedde etter at ordførar Noralv Distad rekvirerte redningshelikopter frå Florø.
Dei 17 vart frakta til Aurland, der dei i første omgang blir tekne hand om i Røde Kors-bygget.
- LES OGSÅ:
- LES OGSÅ:
Tysdag kveld måtte 143 personar evakuerast frå Flåm. Fleire personar har mista hus og eigendelar i den store flaumen som har råka bygda og store delar av Vestlandet. Det er elva Flåmselvi som har fløymt over etter stor vassføring. Det har ført med seg store øydeleggingar.
Dei som er evakuerte må vente til tidlegast torsdag før dei får flytte heim.
– Forferdeleg syn
Eli Kristin Stave fortel at dei bur så høgt at det ikkje var fare for huset. Men det var ikkje mogeleg for dei å kome seg derifrå utan hjelp.
Då dagslyset kom onsdag såg dei kor ille Flåmselvi hadde herja med dalføret.
– Det var eit forferdeleg syn. Eg hadde aldri trudd noko slikt kunne skje i Flåm, seier Eli Kristin Stave til nrk.no.
- LES OGSÅ: