NRK Meny
Normal

Eigaren av denne doningen fekk eit gebyr på 158.000 kroner

Kontrollørar frå Statens vegvesen har stansa eit tsjekkisk vogntog i Rysjedalsvika. Det enda med eit rekordstort gebyr på 158.000 kroner til transportøren.

Tsjekkisk vogntog i Rysjedalsvika

24 METER LANGT: Denne doningen var både for lang og for tung for vegane i ytre Sogn.

Foto: NRK-tipsar

Statens vegvesen fekk eit tips om at transporten var på veg, og kontrollørane var på plass i Rysjedalsvika i ytre Sogn då den tsjekkiske sjåføren manøvrerte doningen sin på land torsdag kveld, fortel stasjonssjef Tormod Gausdal.

– Det viste seg at transporten ikkje hadde dispensasjon. Vogntoget veg opp mot 90 tonn, medan det ikkje er lov med meir enn 50 tonn på den vegen.

Vogntoget er i tillegg for langt, nesten 24 meter, og breidden er 3,40 meter. Det frakta ein turbin som skulle til eit kraftanlegg i Lavikdalen. Resultatet vart eit stort gebyr - 158.000 kroner.

Gausdal seier at dette er det klart største gebyret dei har utferda i Sogn og Fjordane, og han har ikkje høyrt om noko større elles i landet heller.

Tormod Gausdal

- KLAR OVE RREGLANE: Stasjonssjef Tormod Gausdal seier transportøren godt visste om at transporten er ulovleg.

Foto: Anna Gyrti/NRK

Dispensasjon avslegen

Gausdal fortel at transportøren hadde søkt om dispensasjon, men den vart avslegen. Likevel køyrde vogntoget av garde.

– Dei er klar over reglane. Dei hadde søkt om dispensasjon, men den vart avslegen på grunn av den kombinasjonen det var søkt om.

No blir vogntoget ståande i Rysjedalsvika til gebyret er betalt. Og turbinen må dei syte for å få til Lavikdalen på ein annan måte. For det tsjekkiske vogntoget må returnere tomt ut av landet.

Saka er og meld til politiet.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.