NRK Meny
Normal

13 til sjukehus: No blir det full gransking av dramatisk tunnelbrann

– Vi ønskjer å sjå nærare på kva som skjedde då trafikantane inne i tunnelen blei utsett for røyk, seier Rolf Mellum i Statens havarikommisjon for transport.

Tunnelbrann

TOK FYR: Ein feiebil med fleire hundre liter diesel og hydraulikkolje tok fyr inne i den 6,3 kilometer lange Fjærlandstunnelen. 13 personar blei sendt til sjukehus med røykskadar.

Foto: Sogn brann og redning

13 personar blei sendt til sjukehus då det tok fyr i tunnelen mellom Jølster og Fjærland 17. april i år.

Ein feiebil med fleire hundre liter diesel og hydraulikkolje tok fyr inne i den 6,3 kilometer lange tunnelen.

No har havarikommisjonen bestemt full gransking av brannen.

Fire brannar på fire år

Dei siste åra har fleire kraftige brannar herja i lange tunnelar på Vestlandet.

Brannen i Fjærlandstunnelen var den fjerde i løpet av dei siste fire åra.

Under brannen i Fjærlandstunnelen kom 13 unge vaksne eg ut av tunnelen og blei sende til Førde sentralsjukehus med røykskadar.

– Situasjonen var uoversiktleg. Personar sprang i alle retningar då brannen byrja, sa Espen Rysjedal i Alarmsentralen til NRK etter brannen.

Tunnel etter brannen

VESTLANDSBRANNAR: På fire år har det vore fire store tunnelbrannar i Sogn og Fjordane.

Foto: Statens vegvesen

– Håpar å lære

Rolf Mellum i havarikommisjonen håpar ei undersøking vil redusere sjansen for tunnelbrannar.

– Vi håpar å finne nokre element som kan bidra til at vi kan hindre at dette skjer igjen.

Mellum seier havarikommisjonen skal gjere fleire undersøkingar.

– Dette var ei såpass alvorleg hending at vi vil gjere ei full gransking. Vi vil sjå på alle forhold.

– Vi håpar å avdekkje kva som er årsaka til brannen. Det vi veit er at brannen starta i samband med vedlikehald inne i tunnelen.

Rapporten skal vere klar innan eitt år.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.