127 utan straum i Naustdal
127 husstandar frå Savland og inn heile Naustedalen til Nes er utan straum måndag kveld, skriv Firda. Det er truleg på grunn av snøen. – Vi har ein feil på høgspentlinja. Feilen ligg sjølvsagt så langt frå vegen som mogleg, men vi har folk på veg for å rette feilen, seier Kjell Heggenes hos Sunnfjord Energi til avisa. Straumen kom tilbake rundt klokka 22 måndag.