Lærdal får ultralydutstyr
Lærdal sjukehus skal tilby undersøkingar med ultralyd, melder Helse Førde. Det er helseføretaket og fleire kommunar i indre Sogn som går saman om å kjøpe nytt ultralydutstyr. Dermed kan mange av dei gravide, som før måtte reise til Førde eller Voss, i løpet av året få tilbod om ultralydundersøkingar i Lærdal. Investeringa kostar kring 650.000 kroner.
