Hovudtillitsvald blir personalsjef
Eirik Rostad Ness er tilsett som ny HR-direktør i Sparebanken Sogn og Fjordane. Rostad Ness går frå vervet som hovudtillitsvald i banken inn i konsernleiinga. – Eg trur erfaringa mi som hovudtillitsvald kjem til å bli ein viktig ressurs i dei omstillingsprosessane som er i gang og som kjem framover. Sjølvsagt vil det bli utfordrande, og eg veit mykje om kva dei tilsette tenkjer om det som skjer no, seier Rostad Ness.