Jenny Følling til Utvik og Breim
I morgon reiser fylkesordførar Jenny Følling (Sp) til Breim og Utvik for å treffe dei som er råka av flaumen og informere om fylkesvegnettet og bruer framover etter flaumen. – Det er viktig for meg å møte innbyggjarane og sjå behova deira. Tapre og sindige folk som har fått heimane sine lagt i ruinar er klare for å ta Utvik tilbake, eg er så imponert over pågangsmotet, seier Følling. Ho reiser med fungerande fylkesrådmann Clara Øberg.