Rykte ut til brann i garasje
Store styrkar rykte ut, då Alarmsentralen fekk melding om brann i ein garasje i Fjærland. Det skriv Sogn Avis.
– Det var ein garasje som hadde teke fyr. Garasjen stod nær ein fjøs. Depotet i Fjærland vart varsla og det vart sendt store ressursar til staden, både frå Sogndal og Leikanger, opplyser vaktleiar Terje Birkeland ved Alarmsentralen til avisa.
Men brannen vart sløkt av mannskap på staden, og mannskapa frå Leikanger vart kalla tilbake.