Lanserer ny sløyemaskin
Selskapet Havfront i Bremanger lanserer no ei ny sløyemaskin for dei minste fartøya i norsk fiskeri. Til no har gründerane bak satsa mellom fem og 10 millionar kroner på utviklinga av sløyemaskina. Maskina kjem til å koste om lag ein halv million kroner. Gründer Marius Strømmen seier til Firdaposten at det er med skrekkblanda fryd at dei no skal lansere sløyemaskina på fiskerimessa Nor-Fishing i Trondheim.