Sildoljestrid i retten igjen

Ankesaka i striden om sildoljefabrikk i Måløy mellom Pelagia AS og Nergård Pelagic AS, startar opp i lagmannsretten i dag, skriv Fjordenes Tidende. Heile veka er sett av til saka. Bakgrunnen er at Pelagia vil nekte konkurrenten å drive sildoljefabrikk ved tidlegare Ulvesund formelfabrikk, og har hevda at det finst ein klausul for tomta som går ut på at det ikkje skal startast konkurrerande verksemd. Tidlegare i haust vann Nergård fram i tingretten.