Fleire og lenger oppdrag
Tidsbruken på ambulanseoppdrag for Helse Førde har auka jamt og trutt dei siste åra. Det same har talet på oppdrag, som Fjordenes Tidende sette fokus på i går. – At tidsbruken aukar indikerer at nokre oppdrag har lenger transportstrekning. Det fortel ambulansesjef i Helse Førde, Stian Sægrov. Han presiserer samstundes at dette ikkje har ført til utfordringar med kapasiteten. Endringane er i tråd med den nasjonale utviklinga, og heng saman med eldrebølgja, samt strukturendringar i legevakter og sjukehusfunksjonar, ifølgje Sægrov.