Håpar fleire blir optimistiske
Det er veldig positivt at Florø lufthamn er blitt populær hos fleire flyselskap, det seier Frp-politikar i kystbyen, Frank Willy Djuvik til Firdaposten. Djuvik har heile tida meint at kommersialiseringa av flytilbodet vil kome brukarane til gode. Sterke krefter i Florø har jobba for å få fleire flyselskap enn Widerøe på bana, og no skal ytterlegare to aktørar vere interesserte i å flyge til og frå flyplassen. Djuvik meiner Florø med dette kan ende opp med det beste tilbodet på kortbanenettet, både med tanke på frekvens og pris.