Vil ha meir vegpengar
Det bør kome meir vegpengar for å smørje kommuneekteskap. Det meiner Eid og Gloppen Høgre som vil ha resten av fylkespartiet med seg. Denne veka vart det sett av 50 millionar kroner i ein pott til samferdselstiltak for kommunar som vil slå seg saman. Eid og Gloppen har akkurat underteikna intensjonsavtale om samanslåing. Dei drøymer om å få ei bru mellom seg, som er kostnadsrekna til om lag 2 milliardar kroner. Fylkesårsmøtet i Høgre skal ta stilling til saka no i helga.