Leitar etter konkurrentar
Flora kommune er i kontakt med tre ulike flyselskap i håp om å finne nokon som kan gi Widerøe konkurranse på Florø-rutene, det skriv avisa Firda. Dermed prøver politikarane i Flora å unngå situasjonen dei fryktar mest etter 1. april, nemleg at Widerøe vert sitjande med all flyging på Florø lufthamn, utan krav om makspris og frekvens slik dei hadde etter systemet med statlege rutekjøp. Politikarane har bede om møte med samferdsledepartementet for å sjå på tiltak som kan gjere det attraktivt for andre å ta opp konkurransen, men har fått avslag.