Får ikkje kontakt med pårørande
Politiet får framleis ikkje kontakt med pårørande til mannen som vart tiltalt for trippeldrapet på Valdresekspressen. Det skriv bt.no. Tiltalte, Peter Beaks, døydde 10.september i år, før rettssaka kom opp. Dersom ikkje politiet får kontakt med pårørande i Sør-Sudan i løpet av ein månad, vert den tiltalte truleg gravlagd i Bergen. Tysdag er det eitt år sidan drapa på Valdresekspressen.