Hopp til innhold

Får grave opp grav

Grava til ein mann i Sogn og Fjordane skal opnast for å ta DNA-prøve av liket. Det har Fjordane tingrett avgjort, skriv VG. Tre år har gått sida den då 94 år gamle mannen døydde. Ein mann har kravd grava opna for å få slå fast om den gravlagde var far hans og om han dermed har rett på millionarv. Etter at saka hadde vore gjennom fleire rettsinstansar, sende høgsterett den i sommar tilbake til tingretten som no har sagt ja til at grava kan opnast.