Knut O. Aarethun
-Fortidsminneforeininga burde ha lete lokale bidragsytarar få seie si meining om kven som skal drive Borgund stavkyrkje og besøkssenteret vidare. Det meiner ordførar Knut O. Aarethun i Lærdal. Både kommunen og fylkeskommunen var med på å finansiere det nye besøkssenteret til 20 millionar kroner.
Men om ordføraren i Lærdal gjerne ville vore informert og høyrt i saka, er han ikkje uroa for måten Borgund vil bli styrt på frå sentralt hald.
Fortidsminneforeininga sitt ansvar
Ove Losnegård
Ove Losnegård som er medlem i hovudstyret i Fortidsminneforeininga er ikkje samd med Aarethun i at saka skulle vore på høyring, men også han lite glad for vedtaket i styret.
-Eg er skuffa, både Borgund Stavkyrkje og besøksenteret bør drivast lokalt. Men han meiner ei høyring ville vera å gå for langt, fordi han meiner dette er Fortidsminneforeininga sitt bord. Losnegård var den einaste i styret som stemte mot at Borgund stavkyrkje og besøkssenteret skal styrast frå Oslo i framtida.