- Vi vil gje dei eit håp

• LES OGSÅ: – Nå bryter raseriet ut i gatene

- Vi vil gje folk på Haiti håp om ei framtid, seier Børre Tystad.

Sterke bilete

På Børre Tystad gjer kanskje dei sterke TV-bileta enda meir inntrykk enn på oss andre.

For ei veke sidan kom han og sambuaren heim frå Haiti. Og like etter raserte eit jordskjelv liva til mange av innbyggjarane i byen Port-au-Prince og dei omliggande byane.

• LES OGSÅ: Barn hjelper barn i Haiti

Tankane går til alle dei som no sit att med ingenting.

- Korleis har dei det, dei som vi traff der no, spør sambuarparet.

Var i sjokk

Gjennom TV, radio og nett ser vi sterke bilete av katastrofen på Haiti.

Dei første meldingane etter skjelvet vitna om menneske i sjokk og som desperat trengte hjelp.

• LES OGSÅ: – Oj, der var det et etterskjelv

- Vi vart vel sitjande litt i sjokk ei stund. Så vart vi vel meir og meir frustrerte over å vere så langt vekke, og ha det så godt når vi visste at dei som hadde så lite no ikkje har noko i det heile, seier Børre Tystad.

Starta aksjon

Mellom dei sambuarparet vart kjendt med var fleire born gjennom Prosjekt Haiti.
Prosjektet arbeider for å betre livssituasjonen for fattige born som bur i slummen.

Bileta frå dramatikken og kaoset som er på Haiti no fekk sambuarparet til å bestemme seg for å bidra. Dermed starta dei sin eigen aksjon.

På kontoen under namnet Haiti-aksjonen kan folk setje inn pengar som går direkte til prosjekt Haiti.

• LES OGSÅ: Danske Jens funnet i live

Vil gje dei ei framtid

Etter jordskjelvkatastrofen har folk akutt hjelp for vatn, mat og anna naudhjelp.

Men Tystad seier borna vil trenge hjelp lenge etter at etterdønningane av skjelvet har lagt seg.

- Vi prøvar å få inn mest mogleg pengar og ressursar til det akutte behovet som er no. Men vi vil også gje dei moglegheit til å få eit liv, utdanning og eit håp igjen, seier han.