Det var måndag danske turistar på fjelltur ved området Nuken i Sogndal melde frå om at dei hadde sett bjørn i området.
Eit par dagar seinare vart det funne eit sauekadaver i same området, og i går ettermiddag var folk frå Statens Naturoppsyn oppe for å sjå på kadaveret. Rein Arne Golf seier dei ikkje kan avvise at bjørnen har vore på ferde.
Kadaveret som vart funne var 14 dagar gamalt og oppete av ulike åtseldyr. Det går ikkje an å finne ut korleis dyret er drepe.
Sjølv om det er uråd å slå fast om det er bjørn som har vore på ferde denne gongen, er det viktig å melde frå om både observasjonar og kadaver i fjellet, seier Golf.