Hollevik tek avstand frå at Thaye filte fingertuppane for å skjule at han kom frå Italia.
– Urett handling
– Eg synest det er ei urett handling, eg meiner at alle som kjem til landet vårt for å søkje asyl skal behandlast etter asylinstituttets intensjonar. Dei skal gje rett informasjon.
Protestane mot at ni år gamle Simon og faren blei kasta ut av landet har vore sterke i Florø. Framleis kjempar støttegruppa for at dei to skal kome attende frå Italia, der dei no bur under open himmel i ein park blant alkoholikarar og prostituerte.
- Filte fingertuppane sine
Men saka har dei siste dagane teke ei ny vending. Måndag kom det fram at faren har prøvd å lure norske styresmakter. Informasjonssjef Bjørn Lyster i Utlendingsnemda seier at far til Simon har prøvd å skjule bevis for å få bli i Norge.
– Han hadde skadd fingertuppane sine og han opplyste ikkje om sitt tidlegare opphald i Italia. Først seinare når vi kunne ta finteravtrykk igjen fekk vi treff på at han hadde vore i Italia.
Hollevik feil referert i NRK
Tidlegare onsdag refererte NRK feilaktig at aksjonsleiar Kåre Leif Hollevik meinte det ikkje var uetisk av Thaye å file fingertuppane for å få sonen Simon til Norge. Hollevik meiner tvertimot at dette var urett av Thaye å gjere.
– Fokus på Simon
Hollevik er likevel ikkje redd for at dei nye opplysningane kjem til å øydeleggje for den sterke mobiliseringa kring Simon og faren i Florø.
– Dette her som no kjem fram er opplysingar som er knytta til vaksenverda. Vi har fokus på Simon, og det har folk i Florø og.