- Tåkelegg aktiv dødshjelp

• LES OGSÅ: Sier ja til aktiv dødshjelp

- Frp driv med tåkelegging om aktiv dødshjelp, seier fylkesleiar i Krf, Trude Brosvik.

Rabalder i vekesvis

I fjor gjekk Frp inn for å støtte aktiv dødshjelp i sitt prinsipprogram. Det førte til mykje rabalder i fleire veker etterpå.

• LES OGSÅ: Frp-forslag som forsvant

Stortingsrepresentant frå partiet Åge Starheim vedgjekk at han ikkje var så begeistra for forslaget. Men Starheim har ikkje gjort noko framfor årets landsmøte for å fjerne det omstridde punktet. Det meiner Brosvik er dårleg.

Siv vil ikkje fronte saka

- Eg meiner Starheim og partileiinga driv med dobbeltkommunikasjon her. Og eg hadde forventa at dei ved første høve gjorde noko med saka sidan dei i valkampen sa at aktiv dødshjelp ikkje var aktuell politikk, seier Brosvik.

• LES OGSÅ: Tør ikke snakke om aktiv dødshjelp

Det var fleire enn Starheim som reagerte på at partiet gjekk for aktiv dødshjelp. Og i ettertid har sjølv partileiar Siv Jensen sagt at partiet ikkje vil fronte aktiv dødshjelp.

Brosvik kan derfor ikkje forstå at ikkje Frp endrar den vedtekne politikken framfor årets landsmøte denne helga.

Vil ikkje gjere noko i saka

Men Starheim seier partiet ikkje har tenkt å gjere noko med politikken om aktiv dødshjelp no. Han seier at det er ein stor prosess å endre eit prinsipprogram.

• LES OGSÅ: - Dødshjelp kom litt overraskende

- Då måtte vi ha hatt ein prosess i forkant av landsmøte. Altså ei høyringsrunde der alle lokallaga får høve til å uttale seg. Det hat vi ikkje hatt, seier Starheim.

Kan ikkje samarbeide

Brosvik seier dette er ein del av Frp sin politikk som gjer det umogleg for Krf å støtte Frp i regjering.

- Det er heilt utelukka, seier ho.

• LES OGSÅ: Frp vil gi dødlig dose
• LES OGSÅ: Kamp om kristne veljarar