- Vi klarte å halde på fatninga. Men det er klart det var spennande, seier Jan Erik Gjerland.
Saman med Sverre Sæten vart han sendt opp på Vetlebreen for å sjå etter bjørn i føremiddag.
Les og diskuter:
På veg ned mot Fjærland
- Eg trudde ikkje vi skulle finne han. I alle fall ikkje så fort, seier Gjerland.
Dei to gjekk opp frå Trollvatnet og innover mot breen. Vel ein time etter oppstart oppdaga dei ein bjørn som kom imot dei.
- Då var han på tur nedover i retning Fjærland.
Fyrte av fire skot
Ifølgje Gjerland ante bjørnen fred og ingen fare.
- Han stoppa opp om lag 100 meter unna oss. Vi fyrte av fire skot, og traff på alle, seier Gjerland.
Les òg:
Les òg:
Blir henta ned i helikopter
No har jegerar vore saman med Statens Naturoppsyn (SNO) på staden. SNO skal undersøke at alt har gått rett føre seg.
Så blir bjørnen fraka ned til Jølster med helikopter for nærare undersøking.