- Me kunne ønskja oss at auken var større. Me skyt ein ganske stor prosent av tildelte hjorteløyver, så eg trur me må få tildelt større kvotar for å få større avskyting, seier leiar i Sogn og Fjordane skogeigarlag, Otto Leif Østenstad.
Tre prosent auke i fellinga
11.600 hjort vart liggande i lyngen i Sogn og Fjordane i fjor - ein auke på tre prosent frå 2008. For dersom målet er å få redusert påkøyrsler og beiteskader monnar ikkje det, vedgår viltrådgjevar hjå Fylkeskommunen, Joar Helgheim.
- Ein burde ta ut ein god del meir dyr. Det er ikkje noko som tyder på at hjorten som er teke ut denne sesongen har redusert stamma noko vesentleg.
- For tre prosent er nesten ingenting?
- Det er nesten ingen auke når det er snakk om 11 600 dyr som vert teke ut totalt.
(Artikkelen held fram under tabellen)
Håpar på større kvotar
Både han og Østenstad trur likevel at kommunane vil auke på løyver og sannsynlegvis dermed talet på skotne dyr ytterlegare innan jakta i 2010 set i gang.
- Me ser vel at me har ein relativt høg fellingsprosent i auke. Og det viser jo at det er rom for å ta ut meir dyr, seier Helgheim.