No fryktar han at den nye kraftlinja vil bli brukt til å flytte aluminiumproduksjonen frå Høyanger til Sunndalsøra.
I følgje avisa Firda fryktar Billy Fredagsvik at Hydro vil leggje ned produksjonen i Høyanger og overføre den til smelteverket på Sunndalsøra når den store linja står ferdig.
- Enklare å føre krafta ut av fylket
Fredagsvik meiner at når dei nye kraftavtalene skal framforhandlast, vil industrisamfunna i Sogn og Fjordane sitje med dårlegare kort på handa etter at kraftlinja er bygd
- Det seier seg sjølv at det vert enklare å føre kraft ut av fylket med den nye linja.
- Kraft frå fylket vil no bli brukt til å skape arbeidsplassar i andre delar av landet, hevdar Fredagsvik.
Hydro vil ikkje gi noko anna kommentar enn at det ikkje er aktuelt å bruke linja til å flytte aluminiumsproduksjonen.