Dette seier Rolf Domstein, styreleiar i Måløy Vekst og sjef for Domsteinkonsernet.
Sjølv sat han i ein av sponssorkomiteeane og den fungerte ikkje.
- Det var litt aktivitet i starten, men etter kvart så tok leiaren for arrangemenet over og køyrde løpet sjølv.
Ekstern gransking
- I utganspunktet har kommunen eigne organ som skal granske dette, kontrollutval og revisjon. Dersom ikkje dei klarer å avdekke kva som har skjedd og kven som har ansvaret, er det vel naturleg at det kjem inn nokon eksterne, seier Domstein.
- Har svekka omdømet
Under og rett etter arrangementet var det positivt og bra for sjølvtilliten i Vågsøy, meiner Domstein.
- Men no blir vi harselert med, og gjort narr av i fjernsyn, og det er ikkje bra.
- Korleis kunne det gå så gale som det gjorde?
- Det er det ingen som forstår. Det vi etter kvart ser er at det er brukt ein masse pengar som ingen hadde lov å bruke. At noko har gått ut over fullmaktene sine kan det ikkje vere tvil om meiner Domstein.
- For tidleg å seie kva konsekvensane bør bli
- Eg tykkjer det er vanskeleg å kritisere nokon, eller krevje at dei skal ta sjølvkritikk før det føreligg ein rapport som viser kven som har ansvaret. Men då forventar eg jo at dei som har ansvaret tar sjølvkritikk, og tar konsekvensane av det.
- Det vil seie trekke seg?
- Ja, først må vi sjå kva som kjem ut av granskingane, så får vi sjå kva som er ein naturleg konsekvens.