Slik opnar lensmannen sitt innlegg på Facebook, som er blitt delt over 500 gonger på Facebook.
– Det er ganske omfattande og eg ser det dagleg. Særleg no i ferien er vi slepphendte med kva ungane får lov til og ikkje. Det kan godt hende jenta eller guten har god greie på det, men det handlar om å setje grenser, seier Espen Gulliksen.
I innlegget på Facebook nemner han fleire lovbrot som han trur foreldre seg mellom fingrane på, som til dømes å la ungdomar køyre traktor, moped eller ATV på eigedomen eller cruise rundt i båt før dei er gamle nok til det.
– Det kan verke ganske uskuldig, men det handlar om moral. Når er det greitt å bryte lova?, spør Ellingsen.
Redd for smitteeffekt
Han meiner det er spesielt på sommaren litt for unge får sleppe til med ting dei ikkje har lov til å køyre rundt på eller i.
– Er det eit større problem i til dømes Bremanger, der det er færre politifolk?
– Eg håpar det ikkje er derfor. Frykta for å bli tatt av politiet bør ikkje vege tyngst. Frykta for å bli skadd eller å skade andre bør vege tyngst.
At emnet engasjerer er tydeleg. På Bremanger lensmannskontor si Facebookside er innlegget heftig diskutert. Mange er samde med lensmannen, medan andre meiner det er bra at ungdomen får ta del og prøve seg heime under "trygge forhold".
Når lensmannen er på ferie spring han ikkje etter dei som han ser bryt lova, men han er merksam og legg merke til det. På jobb vil han gripe inn overfor dei lovbrota han ser. Oppmodinga er i alle fall krystallklar.
– Foreldra får gå i seg sjølve, ta seg i nakken og vere litt tøffare mot poden.