- For dårleg kontroll på medisinar

• LES OGSÅ: Medisintjuveri på sjukehus

Medikamentsvinn ved norske sjukehus fører kvart år til at helsepersonell misser arbeidet og autorisasjonen sin. I fleire av sakene ligg det personelege tragediar bak.

For dårleg kontroll

- Etter å ha etterforska sakene så meiner vi å sjå at kontrollen og rutinane kunne vore mykje betre. Og det er difor vi er her i dag, seier etterforskingsleiar ved Førde og Naustdal lensmannskontor, Gunnar Englund.

- Det vil kome nye kontrollrutinar, seier fagdirektør Hans Johan Breidablikk.

• LES OGSÅ: Mista jobben på grunn av medikamentsvinn

Må ha strengare reglar

Breidablikk seier det alltid er eit val mellom det perfekte og kva som faktisk let seg gjere.

- Det vert alltid eit val mellom det ideelle og det som er praktisk ressursmessig mogleg. Men når det gjeld nokre preparat, som B-preparat må vi nok gjere meir, seier Breidablikk.

- Kva kan de gjere?

- Vi ser om vi kan gjere fortløpande rekneskap knytta opp til forbruket for å sjå om medisinen hamnar der den skal eller ikkje.

• LES OGSÅ: Krev medikamenthandtering vurdert

Fleire mista jobben

Problemet har vore så stort at føretaket har halde eit seminar i dag.

• LES OGSÅ: Vedgår medisintjuveri

- Eg trur at det vil kome nesten uansett der ein får ei loggføring over kvar einaste tablett i siste innstans, seier fagdirektøren.

I løpet av 2009 har fleire tilsette i Helse Førde mista jobben fordi dei har stole medisinar frå medisinlageret på Førde sentralsjukehus.

• LES OGSÅ: Sjukepleiar stal medisinar på jobb

- Vi må følgje med

Fagdirektøren meiner bevisstgjeringa kring handtering av medisin må kome tidleg inn i opplæringa av nye helsepersonell.

• LES OGSÅ: Uforsvarleg medisinhandtering

- Vi må ha kontrolltiltak og opplæring av studentar i dette. Også må vi følgje med på om det skjer noko spesielt, seier han.

• LES OGSÅ: Kreftpasient fekk feil medisin