– Det var ei fin, varm, lun og flott stemning i kyrkja og gravferda, med mange innslag frå vener og familie, seier talsperson for Margaret sin familie, Per Kristian Pedersen.
Sjå intervjuet med Pedersen
(artikkelen held fram under videoen)
Sanden var ein av tre som sist måndag vart drepne om bord på Valdresekspressen. Ein 30-år gamal asylsøkjar er arrestert og sikta for trippeldrapa. Mannen skulle i dag forklare seg til politiet om saka for første gong, men nekta å la seg avhøyre.
- LES OGSÅ:
- LES OGSÅ:
Pedersen, har vore næraste nabo til familien i 20 år og er ein nær ven av familien, seier at har vore ein lang prosess for familien.
– Dei har ikkje kome over sjokket enno, men dei jobbar med det. Dei har mange rundt seg, både gode vener og dei har fått mykje god hjelp lokalt, seier han.
- LES OGSÅ:
Godt med eit støttande lokalsamfunn
Pedersen understrekar at familien er særs takksame for all støtte dei har fått i den vanskelege situasjonen.
– For familien og dei næraste er det noko dei må lære seg å leve med, og det må dei få hjelp til. Det er eg sikker på at dei får her i Årdal. På vegner av familien vil eg takke for all hjelp og støtte dei har fått i sorgarbeidet dei siste ti dagane, seier Pedersen.
Han legg til at saka pregar heile Årdalssamfunnet.
– Det er tungt for heile samfunnet. Sjølv har eg budd her i 26 år, og dei siste dagane har eg snakka med mange, som eg ikkje kjenner, som har uttrykt si støtte. Det er veldig godt for familien å få slik omsorg frå lokalsamfunnet.